سوالف البنات في المدرسه

سوالف البنات بالمدرسة ادخل واضحك





الاحداث اليومية بالسكول

1-الوضع بالطابور

أ)مع اناشيد الصباح وتغريد العصافير يبدا الطابور الصباحي بايات من الذكر الحكيم تتلوها على مسامعكم الطالبة... وانيي حق تحية العلم:

*الابلة:هي انتي ياللي وره ليش ماتحيين العلم؟
البنية:ابلة بلاعيمي تعورني --->وهي طايحة له سوالف وصوتها واصل لين الحارس تتكلم عن حفلة امس

*قروب بنات طايحين حش من صباح الخير

*بنتين يتثاوبون

*بوية متنحة بجسم اللي جدامها من كثر مانفنوفها ضيق

ب)خلصنا من تحية العلم يبدا البرنامج الاذاعي وتفتيش الابلات:

*الابلة :انتي ياللي وره ليش نفوفج ضيق جذي ؟ وبعدين ماقلنا المفروض يكون فوق ركبج , ليش حاطة كحل مسحيه ,شنو هذا ماصارت مدرسة كل وحدة متفختلي شعرها روحي طابور المخالفات يلا

عاد هني ردة الفعل تكون حسب البنية:
-بنت دلوعة:اهئ اهئ اي شي شنو هذا والله مايصير جذي ليش تزفني جدام البنات امبيه امبيه برستيجي فشلة يعني لازم نكون مبهدلات عشان مايخالفونا!!؟
-وحدة زافها ابوها وياية منفسة:نعم نعم , امس كان عندنا عرس وماكان لي خلق امسحه , اي اروح طابور المخالفات ليش ماروح , واذا لفت ظهرها للابلة تقعد تتحلطم
-بنية متهاوشة مع حبيبها:تقعد تطالع الابلة من تحت لين فوق وتروح ويوم ثاني اتييب نص العايلة تشتكي عليها وتطلع حرتها
-بنية رافعة خشمها:وايد ماكو شغل هالعقيدية تقولي جذي , عناد فيها مابشيله ومابروح مناك

* بنية رقيقة تسولف حق رفيجتها عن البارتي:اقولج عاد حسافة طافج نص عمرج انا دشيت جان تدش وراي امبيه امبيه والله اتينن (قصدها عن بوية) لمن شفتها ويهي صار احمر شكلها لاحظتني , كنت لابسة النفوف اللي وريتج اياه , يات فطوم يايبة لي رقم بنت عمها البوية تقولي شكلج وايد كيوت وفصلانة , اخر شي كان واي امبيه وناسة


*بنية ويها صاير بنفسجي-->ابلة الكيميا السورية واقفة عندها مسوية لها تفاعل كيميائي خانقة البنت من ريحتها

*رئيسة الفراشات كانها كولية صوتها اعلى من صوت الاذاعة قاعدة تصرخ عالفراشات "ليش كله يروح عند حارس :@ شغل مال انت بس داخل مدرسة"معصبة عليهم ليش يروحون عند الحارس تبي تضبطه لها بروحها


2-الوضع بالصف

بدت الساعة الاولى

*اتيي الابلة منفسة شوي وتضربنا لا ومعرقة من الصبح

*بنتين يتناقشون عن امتحان امس:
البنت الاولى:ريمو امتحان النحو كان صعب انا مبدعة -->وهي ناقصة بس نص درجة
البنت الثانية:اي كان حده صعب انا ماعرف الاعراب قعدت افكر هو جار ومجرور ولا مجرور وجار !!

*بنية سرحانة بالكلام اللي حبيبها قالها اياه امس قبل ماتنام

*وحدة مالها خلق تشخبط عالدرج

*اربع بنات مسوين لهم ديوانية شاي الضحى يسوون حق بعض فال ويقرون فنيان

*-وحدة مالها خلق:ابلة انا تعبانة بروح عند الاخصائية
-الابلة:لا مايخالف لاتشاركين او حطي راسج عالدرج ونامي

*بنية تطقطق بالقلم

*ثلاث بنات بعاد عن بعض يكتبون اوراق ويدزونهم حق بعض او يحطونهم بالمقلمة ويستاذنون يعني مؤدبات :ابلة ممكن اعطي رفيجتي مقلمتها.."

*بنيتن يايبين موبايلاتهم يصورون الابلات ويفتحون البلوتوث ويطرشون مسجات

*-بنية قاعدة جدام مختنقة من ريحة الابلة:ابلة الجو حار والمكيف خربان مانقدر نستوعب ممكن نبطل الدريشة؟
-الابلة:شنو شايفتني مصلح عشان اصلح لج المكيف , ولا تبطلين الدريشة انا بردانة (وهي كانها مقاول مصري من العرق), روحي الادارة وقولي لهم عن المكيف لاتضيعين حصتنا

*وحدة تبي تتدلع مو عارفة شلون تصارخ "وااااااي يما ابلة في نملة كبيرة تمشي على درجي امبيه تخرع!!"عاد هني بوية حاطة عيونها على هالبنت من زمان مو عارفة شلون تضبطها يعني صايرة هيرو حلاية الويه تقوم وتشيل النملة يعني عمل انساني

*-تقوم طالبة مجتهدة داشة عرض:ابلة خططي معانا الكتاب حق الامتحان منهجنا صعب
-الابلة:ليش ماتعرفون تخططون يهال انتوا ؟ , مافي تخطيط كل شي معاكم بالكتاب حفظ

*باقي عالحصة 5 دقايق وتخلص اتدش وحدة قاصة الساعة وعلى رقبتها بقعة>-- بويتها مواعدتها تحت الدرج



3-الوضع بالفرصة

يه وقت الفرصة:

*بوية وليديتها يسوونها بالحمام

* سبعة عشر بنت داشين الادارة بسبب هوشة

*ليدي ماسكة وحدة بزاوية تتهاوش وياها :شكو تمسكين يد بويتي بالبدنية :@ !

*بنات شطار يفترون من قسم لقسم يجمعون درجات

*مثل كل يوم نسمع اعلان بالفرصة الابلة ماسكة المكرفون :"بنات لو سمحتوا كل وحدة تمشي مع زميلتها باحترم "قصدهم عن البويات والبنات اللي يمشون ويلمون بعض و حركات ;p )



4- الوضع بالهدا
خلص الدوام بالهدا:

*عقيدي راكب كماروا يعني كاشخ يدور فارسة احلامه

*بنات لمحو واحد ياي فبورش رايحين ركض يتمخترون جدامه

*وحدة خاشة ويها مستعيلة تبي تركب مع حبيبها قبل ماتنصاد

*شلة بنات يتضحكون كانهم قاعدين بقهوة

*بوية منزلة سايقهم من السيارة مقعدته وره وقاعدة بداله تسوق اتقحص مع الربع

اتمنى عجبكم الموضوع باي

--------------------------------------------------------------------------------

هههههههههههههه
وشفيك على البنات ياخي

هههههههههههههههههههههههههههااي

مشكوور على الموضوع الجميل

تقبلني هنا

هههههههههههههههه



مشكور قلبي

ههههههههههههههههههههههههههه

يعطيك الف عافيهـ

يسلمووووووووووووووووووووو