حلاوة الشوفان الرهيبه

السلام عليكم
بهديكم حلاوة رووووووووعة ماشاء الله كل من أكل منها سأل عنها

المقادير
كوب شوفان
كوب جوز الهند
و كوب حليب بودرة
كوب وربع سكر ناعم
علبة قشطة
فستق حلبي ( اختياري )
وجوز الهند و حلاوة هيرشي السائلة

الطريقة
نحمص الشوفان + جوز الهند + حليب البودرة مع بعض لين يصير لونها مائل للبني

بعد مايبردون زين
نضيف عليهم كوب و ربع سكر ناعم
و ربع كوب زبدة سايحه
وعلبة قشطة وممكن تستبدلين القشطة بالحليب المركز بس القشطة ألذ
الفستق الحلبي ( اختياري )
ونخلطهن جميع لين مايصير عندنا عجيبة لينة و تتشكل بسهولة
نكور العجينة لكور صغيرة ونمررها في جوز الهند
و نزينها بحلاوة الهيرشي السائلة
ونبردها لمدة ساعتين


وبالعافية على قلوبكم
أتمنى تعجبكم

وااااااااااااو روعهـ

يسلمو دنيتي ع الوصفهـ

ربي يسلمك ي عمري منوره

مشكووووووووره ع الموضوع

الله يزيد نورك


دوم هطله

اهو شوكرون بس هالحلا ياني اكرهه كره لأني انغصبت عليه


كل ماتذكرت ههههههه << تحسب نفسها بالدردشه

ع العموم مشكوره حبيبتي<< كان من اول قلتيها وخلصتي